O barone Zamagna
(Orlando Marano )

 

A li tiempi ro Principato
si figghiola se mmaritava
la prima notte aveva passà
co lo Barone de lo castello

O  barone n’Zamagna e Prata
malandrino e femmanaiolo,
era  amico re Gianlorenzo
e co jsso eva puro a femmene

Barone Barone
Barone  n ‘Zamagna e Prata
Ra tutt’o Principato
Tiene pronta na mazziata

Quanno  s’aeva sposà
o figghio re Gianlorenzo
penzava pe forma e rispetto
o barone a norama non sa fa

Ma lo barone risse
“ sti fatti non vanno co quilli”
“ va bbuono “ rispunnivo l’amico
e le preparavo no bello  cicchetto

Barone Barone
………  …………..

O  juorno ro sposarizio
Gianlorenzo penzavo  a tutto
E finiti li fistini ,
re femmana si vistivo

co lo velo  bianco ‘ncapo
Pe fa crere  ca eva la sposa
addo o Barone s’appresentavo
mente o  baffo s’alleccava

Barone Barone
…….   ……….

 

Arrivati rinto o cchiù bello
a sposa ra rinto a vonnella,
tiravo fore no coltellaccio
smerzanno l’uocchi comm’a na paccia

Gianlorenzo a rinto o lietto
Le squartavo tutt’i pil’a pietto
O barone co miezzo surriso
Chine e sango murivo acciso

Barone Barone
Barone n ‘Zamagna e Prata
Ra quisto Principato
T’abbuscato na mazziata

Mo pe tutte sta campagna
Non nc’è sta  o barone n’Zamagna
Ca ra coppa o  palazzo e Prata
Commannava lo Principato

Chi tene i sorde  mo fa  o padrone
S’accatta  tutto  e  comm’a o Barone
Quasi sempe tutte e  notte
Na bella  femmana se fotte

Barone Barone
Barone  n ‘Zamagna e Prata
Ra quisto Principato
T’abbuscato na mazziata.